自細就熱愛身體改造藝術，2022年我遠赴倫敦穿環學校深造，自此正式踏上專業穿環師嘅道路。
之後我繼續周遊列國追求技術進步，分別走到德國柏林、日本、美國參加國際大會、專題工作坊。接觸世界各地頂級穿刺藝術家，鑽研解剖定位、複雜穿刺、舊穿刺修復、身體懸掛、無菌感染控制同併發症處理。
將歐洲、美國、日本唔同流派嘅穿刺思維帶返香港，結合本地實務經驗，不斷優化自己嘅服務同技術。
我嘅風格唔係追求花巧操作，而是以精準、溫和嘅方式，為你打造適合自己嘅美麗穿刺。
穿刺從來唔係一套模板套用喺所有人身上，我會根據你嘅結構、組織、面型耳型，平衡美觀同長遠癒合效果，唔會只顧眼前效果而忽略日後恢復。
所持證書
• APP專業穿孔師協會｜PROUD MEMBER ,血緣性病原體證書
• APP專業穿孔師協會｜2025,2026 APP大會進修出席證書
• JPPA 亞洲穿環師 ｜進修結業證書
• BMXNET國際身體改造大會｜進修結業證書
• 倫敦穿環學校｜畢業證書
• 香港紅十字會｜急救證書、成人心肺復蘇法證書
• 百本人才｜傷口護理及敷料應用證書
• 僱員再培訓局｜醫護人員無菌操作知識基礎證書
我堅守嘅衛生同材質標準
✅ 飾品採用符合 ASTM F‑136 標準鈦合金，只使用內螺紋、無螺紋款式
✅ 選用嘅14K / 18K金飾品全部無鎳，減低致敏機會
✅ 使用Precision高質量一次性塗層穿刺針，獨立包裝，做到一針一孔
✅ 全部工具、接觸傷口嘅珠寶飾品，穿刺前經134℃高壓滅菌處理
✅ 配備卡式滅菌機，全程監控滅菌流程，保障每一次穿刺嘅衛生安全
好多人以為穿環只係「打個洞」，我唔會一味迎合網上流行圖樣，如果某個位置美但解剖上有高風險，我會坦白同你講明利弊，唔會為咗接單而美化風險。
服務唔係做完穿刺就完結：由前期諮詢、定位溝通、穿刺過程，到術後長期恢復跟進，我都會提供透明資訊，講清楚風險、護理同預期狀況，令每一位客人都可以被尊重，清楚知道自己會得到啲乜需要經歷啲乜。
